فیدراسیۆنی تۆپی پێی هۆڵەندا بیر لەوەدەکاتەوە، گرێبەست لەگەڵ پێپ گواردیۆلای ڕاهێنەری یانەی مانچستەر سیتی واژووبکات.
ڕۆژنامەی دەیلی میرەری بەریتانی بڵاویکردووەتەوە، فیدراسیۆنی تۆپی پێی هۆڵەندا پلانی داڕشتووە لە داهاتوودا و دوای کۆتاییهاتنی گرێبەستی نێوان گواردیۆلا و مانچستەر سیتی، بۆندێک پێشکەشی ڕاهێنەرە ئیسپانییەکە بکەن.
بەپێی سەرچاوەکە، گرێبەستی سیتی و گواردیۆلا بۆ دوو وەرز تاوەکو هاوینی 2023 نوێکراوەتەوە، لەدوای ئەو وادەیە بەرپرسانی فیدراسیۆنی هۆڵەندا چانسی ئەوە دەخەنە بەردەم ڕاهێنەرەکە، لەگەڵ پێکهاتەی ئاشەهەواییەکان فەلسەفەی یاریکردنی “یاریی گشتگیر – الکرة الشاملة” برەوپێبدات.
لەئێستادا لویس ڤان خال، ڕاهێنەری هۆڵەندیی ناودار پۆستی ڕاهێنەری هەڵبژاردە پرتەقاڵییەکەی لەئەستۆ گرتووە، تاوەکو دوای مۆندیالی 2022 لە پێگەکەیدا بەردەوام دەبێت.
