بە ئامادەبوونی ژمارەیەك لە هاوڕێ و هاوسەنگەران و كەسوكاری، مەراسیمی بەخاكسپاردنی قادری حاجی عەلی لە گۆڕستانی ئابڵاخ لە سلێمانی بەڕێوەدەچێت.
پاش نیوەڕۆی ئەمڕۆ چوارشەممە 11ی تشرینی دووەم تەرمی قادری حاجی عەلی لە شاری پزیشكیی فاروقەوە بەرەو گۆڕستانی ئابڵاخ لە سلێمانی بەڕێكرا و لە مەراسیمێكی تایبەتدا بەخاكدەسپێردرێت.
قادری حاجی عەلی لە 1ی تشرینی یەكەمی ڕابردوو توشی ڤایرۆسی كۆرۆنا بوو و دوای مانەوەی بۆ ماوەی نزیكەی 40 ڕۆژ لە نەخۆشخانە بەرەبەیانی دوێنێ لە تەمەنی 65 ساڵیدا كۆچی دوایی كرد.
