بەڕێوەبەرایەتیی هاتوچۆی ڕاپەرین بڵاویكردووەتەوە، لە پێكدادانی دوو ئۆتۆمبێلدا 10 كەس برینداربوون.
بەپێی ڕاگەیەندراوێكی بەڕێوەبەرایەتیی هاتوچۆی ڕاپەرین كە وێنەیەكی دەست تۆڕی میدیایی ئێستا كەوتووە و تێیدا هاتووە، كاتژمێر 7ی ئێوارەی ئەمڕۆ پێنجشەممە، ڕووداوێكی هاتوچۆ لە نێوان ئۆتۆمبێلێكی جۆری نیسان سەنی و پیكابێك لە جۆری ئەدمیراڵ لە “دەرو كۆتر” ڕوویداوە و بەهۆی ڕووداوەكەوە 10 كەس برینداربوون.
ئاماژە بەوەشكراوە، ئۆتۆمبێلەكان زیانی ماددییان بەركەوتووە.
