سوپاى عێراق له پارێزگاكانى ئه‌نبار و دیاله له چه‌ند قۆڵێكه‌وه ئۆپه‌راسیۆنیان له دژى چه‌كدارانى داعش ده‌ستپێكردووه.
به‌پێی هه‌واڵی میدیا عێراقییه‌كان، به‌ره‌به‌یانى ئه‌مڕۆ پێنجشه‌ممه سوپاى عێراق له پارێزگاكانى ئه‌نبار و دیاله ئۆپه‌راسیۆنیان بۆ له‌ناوبردنى پاشماوه‌كانى چه‌كدارانى داعش ده‌ستپێكردووه و چه‌ندین حه‌شارگه‌ى چه‌كداره‌كانیان له‌ناوبردووه.
باسیان له‌وه‌ش كردووه، هه‌ر له ئۆپه‌راسیۆنه‌كه‌دا ده‌ستیان به‌سه‌ر ژماره‌یه‌ك چه‌ك و ئۆتۆمبێلى چه‌كدارانى داعشدا گرتووه.
هاوكات هێزه عێراقییه‌كان له بیابانه‌كانى ئه‌نبار سێ مۆڵگەی چه‌كدارانى داعشیان خاپووركردووه.
جموجۆڵی چه‌كدارانى داعش له ماوه‌ى ڕابردوودا له هه‌ردوو پارێزگاكه ڕووی له زیادبوون كردبوو، چه‌ند جارێك هێرشیانكردبووه‌سه‌ر هێزه ئه‌منییه‌كان.
