كونسوڵی هۆڵەندا لە هەرێمی كوردستان داوا لە حكومەتی هەرێم دەكات چارەسەر بۆ خۆڵ و خاشاك بدۆزێتەوە و پلاستیك نەسووتێنێت، داوای فڕێنەدانی خاشاكیش لە خەڵك دەكات.
هانس ئەكیربووم، كونسوڵی هۆڵەندا لە هەرێمی كوردستان تویتێكی كردووە لەبارەی فڕێدان و سووتاندنی خۆڵ و خاشاك لە هەرێمی كوردستان.
دیپلۆماتكارە هۆڵەندییەكە نووسیویەتی، “شتێكی باشە سەبەتەكانی خۆڵ (حاویە) لە تەواوی شوێنەكانی هەرێمی كوردستانی عێراق ببینیت، بەڵام ئەمە ئەوە ناگەیەنێت شەق لە سەبەتەی خۆڵەكان بدەیت و هەروەها پلاستیكەكان بسووتێنیت (مەبەستی سووتاندنی ئەو خاشاكانەیە كە پلاستیكن)”.
بۆیە كونسوڵی هۆڵەندا داوا لە حكومەتی هەرێمی كوردستان دەكات كات تەرخانبكات بۆ بەتاڵكردنەوەی “حاویە پڕبووەكان”، دوو هاشتاگیشی بە زمانی ئینگلیزی كردووە بە ناونیشانەكانی #پیسبوونی_پلاستیكی / #PlasticPollution و هەروەها #كوردستانێكی_خاوێن / #CleanKurdistan.
It’s of course good that you find garbage bins all over the #KRI, but that should not mean that you knock them over and then burn the plastic. And #KRG please find time to empty those (full) bins. #PlasticPollution #CleanKurdistan pic.twitter.com/6tm4jEt56p
— Hans Akerboom (@jtmakerboom) January 9, 2022
