هێزە ئەمنییەكانی عێراق دەستیانگرت بەسەر 310 سندوق گولـلەدۆشكەدا كە چەكدارانی داعش لە ئەنبار شاردبوویاننەوە.
ئەمڕۆ هەینی هێزێكی پۆلیسی ئەنبار و سوپای عێراق لە دۆلێكی سەر بە قەزای ڕوتبە لە پارێزگای ئەنبار، حەشارگەیەكی تەقەمەنیی داعشەكانیان لەژێر خاكدا دۆزییەوە.
حەشارگەكە 310 سندوقی لەخۆدەگرت كە سەرجەمیان گولـلەدۆشكەی دژەفڕۆكەیان تیادا بووە و چەكدارانی داعش لەژێر خاكدا شاردبوویاننەوە، وەك شانەی ڕاگەیاندنی ئەمنیی عێراق لە ڕگەیەندراوێكدا بڵاویكردەوە.
ڕاگەیەندراوەكە دەڵێت، “ئەو تەقەمەنییانە لەلایەن بەشی ئەندازەی سەربازییەوە ڕادەستی فەرماندەیی ئۆپەراسیۆنەكانی جەزیرە كراون”.
