کەشناسیى هەرێم ڕایگەیاند، وێنەى مانگە دەستکردەکان ئەوە دەردەخات کە ئاسمانى هەرێم ئەمشەو دادەپۆشرێت بەهەور و پێشبینى حاڵەتێکى خێرای كورت خایه‌ن بارانبارین دەکرێت و ئەگەرى بەفربارینیش هەیە لەبەشێک لەقەزا و ناحیەکان.
له ڕاگه‌یه‌ندراوێكدا به‌ڕێوه‌به‌رایه‌تیی كه‌شناسی و بومه‌له‌رزه‌زانى هه‌رێم ئاماژه‌ى به‌وه‌كردووه، باران لە ڕۆژئاوای هەرێمەوە دەستپێدەکات پاشان بەناوەراستى هەرێمدا تێدەپەڕێت بەره‌و ڕۆژهەڵات و ناوچەکانى کەرکوک و گەرمیان و لە بەیانى زوودا کۆتایی دێت.
پێشبینی ئه‌وه‌شیكردووه، بەفریش لە ناوچەشاخاویەکان دەبارێت، ئەگەری دروستبوونى تەم و مژیش هەیە لە ناوچەى جیاواز
كه‌شناسیی هه‌رێم پێشبینى ئه‌وه‌شی كردووه، ئه‌گه‌رى به‌فر بارین هه‌یه له به‌شێك له قه‌زاو ناحیه‌كانى هه‌ولێر و سلێمانى و ڕاپه‌ڕین له‌كاته‌كانى دواى نیوه‌شه‌و تا به‌ره‌به‌یانى.
