داعش به‌رپرسیارێتیى تیرۆركردنى به‌ڕێوەبه‌ری پاسپۆرتی ناوچه‌ى ئه‌عزه‌میه‌ى به‌غداد‌ی گرته‌ئه‌ستۆ.
به‌پێی هه‌واڵی میدیا عێراقییه‌كان، هه‌فته‌یه‌ك له‌مه‌وبه‌ر له سنووری پارێزگای دیاله، عه‌قید – یاسر ئه‌لجۆرانی له‌لایه‌ن ژماره‌یه‌ك چه‌كداره‌وه ڕفێندرابوو و هێزه ئه‌منییه‌كانیش لە هەوڵدا بوون بۆ دیاریكردنی چاره‌نووسی، به‌ڵام شه‌وى ڕابردوو داعش له گرته‌یه‌كی ڤیدیۆییدا تیرۆركردنی ئه‌و ئه‌فسه‌ره‌ی بڵاوكرده‌وه.
له گرته ڤیدیۆییه‌كه‌دا ده‌رده‌كه‌وێت، ئه‌فسه‌ره‌كه ڕفێندراوه و له شوێنێكی كراوه‌دا، كه ئاڵای داعش ده‌بینرێت، له‌لایه‌ن چه‌كدارانى داعشه‌وه تیرۆرده‌كرێت.
