سوپای پاسداران لە چێوەی مانۆڕی سەربازیی “پێغەمبەری ئەعزەم” بە گریمانەیی هێرشیکردەسەر بنکەی ئەتۆمیی “دیمۆنا” لە ئیسرائیل.
سوپای پاسداران لە شوێنێکی دوور لە نیشتەجێبوون، بنکەیەكی ئەتۆمیی هاوشێوەی بنکەی “دیمۆنا”ی ئیسرائیلی دروستکرد و بە مووشەک و فڕۆکەی بێفڕۆکەوانی بۆمبڕێژکراو، هێرشیکردەسەر بنکەکە.
سوپای پاسداران ئاشکرایکردووە، “لە هێرشەکەدا 16 مووشەکی بالیستی بەکارهاتوون، لەگەڵ پێنج فڕۆکەی بێفڕۆکەوانی بۆمبڕێژکراو، بەوانە هێرشکراوەتەسەر بنکە گریمانەییەکە”.
سوپای پاسداران دەڵێت، “توانای هەیە بەشێوەی ڕاستی، هەمان هێرش ئەنجامبدات و مووشەک و فڕۆکەکان وەک خۆیان بنێرێتەسەر بنکەی دیمۆنا”.
جگە لە مووشەکە بالیستییەکان، فڕۆکە بێفڕۆکەوانەکان توانای فڕینیان لە ئێرانەوە بۆ ئیسرائیل نییە، لەم ڕاستییەوە ئەوە دەسەلمێندرێت کە ئەگەر هێرشەکە بەڕاستی ئەنجامبدرێت، ئەوا دەبێت خاکی عێراق یان سوریا بۆ ئەو پرسە بەکاربهێنێت.
شبیه‌سازی حمله به تأسیسات اتمی دیمونا
سپاه پاسداران با شبیه‌سازی تأسیسات اتمی دیمونا، حمله به این مرکز حساس و حیاتی رژیم صهیونیستی را در رزمایش موشکی خود با موفقیت تمرین کرد pic.twitter.com/IUc2OyuprH
— خبرگزاری تسنیم 🇮🇷 (@Tasnimnews_Fa) December 26, 2021
