دژه‌تیرۆری عێراق فڕۆكه‌خانه‌ى به‌غدادى گه‌مارۆداوه‌

دژه‌تیرۆری عێراق بۆ ڕێگریكردن له‌ چوونه‌ ژووره‌وه‌ى لایه‌نگرانى حه‌شدى شه‌عبی بۆنێو فڕۆكه‌خانه‌ى به‌غداد ده‌روازه‌كانى فڕۆكه‌خانه‌كه‌ى گه‌مارۆداوه‌.

به‌پێی هه‌واڵی میدیا عێراقییه‌كان دوای ئه‌وه‌ی خۆپیشانده‌رانی حه‌شدی شه‌عبی ده‌روازه‌ی یه‌كه‌می فڕۆكه‌خانه‌ی نێوده‌وڵه‌تی به‌غدادیان به‌زاند و هه‌وڵیاندا بچنه‌ ناو فڕۆكه‌خانه‌كه‌، بۆ ڕێگریكردن له‌ زیادبوونى گرژییه‌كان، هێزێكی زۆری دژه‌تیرۆری عێراق ده‌وروبه‌ری ده‌روازه‌كانیان به‌ته‌واوی گه‌مارۆدا.

به‌پێی گرته‌ ڤیدیۆییه‌كان، كاتێك خۆپیشانده‌رانی حه‌شدی شه‌عبی هه‌وڵی چوونه‌ناو فڕۆكه‌خانه‌ی به‌غدا ده‌ده‌ن، له‌لایه‌ن هێزه‌ ئه‌منییه‌كانه‌وه‌ ڕێگرییان لێده‌كرێت.