بافڵ جەلال تاڵەبانی لە پەیامێکدا بەبۆنەی جەژنی لەدایکبوونی حەزرەتی مەسیح، پیرۆزبایی لە کریستیانەکانی جیهان، عێراق و هەرێمی کەردستان دەکات و پاراستنی مافەکانیان بە ئەرکی هەموولایەک دادەنێت.
لە پەیامەکەیدا بافڵ جەلال تاڵەبانی ڕایگەیاندووە، “خوشک و برا مەسیحییەکانم لە تەواوی جیھان، عێراق و بەتایبەتی ھەرێمی کوردستان، پیرۆزباییەکی گەرمتان لێدەکەم بەبۆنەی جەژنی لەدایکبوونی حەزرەتی مەسیح (سڵاوی خوای لێبێت)، بەئومێدم جەژنی ئەمساڵتان بە شادی، ئاشتەوایی و پێکەوەیی بەسەرببەن”.
بافڵ جەلال تاڵەبانی دەڵێت، ”لەم بۆنە مەزنەدا، جەخت لە پاراستنی فەرھەنگی جوانی پێکەوەژیانی ئاشتییانەی ئایینەکانی کوردستان دەکەم”.
هەروەها پارێزگاریکردن لەسەرجەم مافەکانی خوشک و برا مەسیحییەکان بەئەرکی سەرشانی هەمووان دەزانێت، کە دەبێت وەک پێکھاتەیەکی دێرینی ئەم خاک و نەتەوەیە شانازییان پێوەبکرێت.
بافڵ جەلال تاڵەبانی بە كریستیانەكان دەڵێت، ”ئومێد دەکەم جەژنی ئەمساڵتان جەژنی کۆتایی سەختییەکان بێت و ئاشتی و خۆشگوزەرانیی ھەمیشەیی بۆ تەواوی مرۆڤایەتی لەگەڵ خۆیدا ھێنابێت”.
