دوای كۆتایی هاتنی یارییەكانی قۆناغی چارەكی كۆتایی، تیروپشكی قۆناغی پێش كۆتایی كاراباو كەپ ڕاكێشرا.
بەپێی تیروپشكەكە، چێڵسی و تۆتنهام ڕووبەڕووی یەك دەبنەوە، لیڤەرپوڵیش بەرامبەر ئارسناڵ یاریدەكات.
تۆتنهام بەسەر پشتی وێستهام پەڕییەوە و چێڵسیش لە برینتفۆردی بردەوە.
هەروەها لیڤەرپوڵ بە لێدانی یەكلاكەرەوە لە لیستەر سیتی بردەوە و ئارسناڵیش پێنج گۆڵی لە سەندەرلاند كرد.
یارییەكانی چوونی قۆناغی پێش كۆتایی لە هەفتەی یەكەمی كانونی دووەمی ساڵی نوێ ئەنجام دەدرێت و یاریی گەڕانەوەش لە هەفتەی دواتردا بەڕێوەدەچێت.
بڕیاریشە یاریی كۆتایی لە یاریگای وێمبڵی و لە 27ی شوبات ئەنجام بدرێت.
