فیدراسیۆنی تۆپی پێی ئەوروپا (یوێفا)، لە پێگەی فەرمی فیدراسیۆنەکەوە دوورخستنەوەی یانەی تۆتنهامی لە یوروپا کۆنفرانس لیگ ئاشکراکرد.
لیژنەی سزادانەکانی سەر بە فیدراسیۆنی تۆپی پێی ئەوروپا بڕیاریدا، ڕووبەڕووبوونەوەی نێوان یانەکانی تۆتنهام و ستاد ڕینس لە یوروپا کۆنفرانس لیگ بە ئەنجامی (3-0) دۆڕاندن بۆ تۆتنهام ئەژماربکات.
هۆکاری بڕیارەکەش بۆ ئەوە دەگەڕێتەوە، کە یانە زەبەلاحەکەی شاری لەندەن لە دوایین گەڕی قۆناغی کۆمەڵەکان (گەڕی شەشەم) بەهۆی تووشبوونی ئەندامانی ستافی هونەری و وەرزشیی یانەکەوە، نەیتوانی بەرامبەر ستاد ڕینس یاریبکات.
بەپێی خشتەی کۆتایی کۆمەڵەکەش، یانەی تۆتنهام بە حەوت خاڵەوە دەکەوێتە پلەی سێیەمی ڕیزبەندیی کۆمەڵەکەیەوە، ستاد ڕینس بە یەکەم و ڤیتیسی ئارنهایمی هۆڵەندیش وەک دووەم بۆ قۆناغە یەکلاکەرەوەکان سەردەکەون.
