پزیشكەكانی یانەی پاریس سان جێرمان دۆخی یاریزانە پێكراوەكانیان بە ڕاپۆرتێك بڵاوكردەوە.
بە پێی ڕاپۆرتەكە، خوان بێرنارت ئازاری ئەژنۆی هەیە و بۆ ماوەی دوو هەفتە پشووی پێدەدرێت و بەشداریی ڕاهێنانەكان ناكات.
هەروەها نونۆ مێندێز هێشتا لە پێكان چاكنەبووەتەوە و ئەم هەفتەیە بەتەنها ڕاهێنان دەكات و لە بەركەوتن دووریدەخەنەوە.
نێیمار-ی بەرازیلیش هەشت ڕۆژی تر ئەو بەرگەی كراوەتە قاچی لێدەكرێتەوە و دواتر لەژێر چاودێریی پزیشكیدا ڕاهێنانی جووڵەی قاچی پێدەكرێت.
پێشبینی دەكرێت نێیمار 20 ڕۆژی تر بتوانێت بەشداری یارییەكانی پاریس سان جێرمان بكات.
جولیان دراكسلەر-ی ئەڵمانیش لە قۆناغی كۆتایی چارەسەری پێكانەكەیدایە و لە پشووەكانی سەریساڵدا دەگەڕێتەوە.
