یاریی نێوان جەزائیر و قەتەر لە نیوەی كۆتایی جامی عەرەب، كە شەوی ڕابردوو ئەنجامدرا بووە مایەی مشتومڕێكی گەورە لە تۆڕە كۆمەڵایەتییەكاندا پاش ئەو كاتە زیادكراوە درێژەی سیمۆن مارچینیاك-ی داوەری پۆڵەندی بڕیاری لەسەردا.
داوەر سەرەتا 9 خولەكی بۆ یارییەكە زیادكرد و تیایدا هەڵبژاردەی قەتەر گۆڵی یەكسانكردنەوەی تۆماركرد، بەر لەوەی كاتە زیادكراوەكە بۆ 19 خولەك درێژبكرێتەوە، كە تیایدا داوەر لێدانێكی سزای بۆ هەڵبژاردەی جەزائیر ئەژماركرد و بەهۆیەوە كارتی گەیشتن بە یاریی كۆتایی جامەكەی بۆ ڕووبەڕووبوونەوەی تونس بەدەستهێنا.
لە تویتەر و تۆڕە كۆمەڵایەتییەكانی دیكە، زۆرێك سەرسوڕمانی خۆیان بە كاتە زیادكراوە ”سەیرەكە” دەربڕی، هەندێك نووسیویانە یارییەكە ڕەنگە زیاتری بخایاندایە ئەگەر ئەو لێدانی سزایە بۆ سەركەوتنی جەزائیر ڕووینەدایە.
كون ما اعطاوناش ضربة جزاء كون رانا باقيين للفجر باش يخلص الوقت الاضافي🌚😂😭😂#الجزائر_قطر pic.twitter.com/7VvL49uVNc
— meriem🇩🇿 (@mama1818meri1) December 15, 2021
یەكێكی دیكە نووسیویەتی كاتە زیادكراوەكە درێژترە لە ڕۆژی هەینی.
الوقت الاضافي في مبارة #الجزائر_قطر أطول من يوم الجمعة. pic.twitter.com/80VXPwShKD
— شجاعية (@shejae3a) December 15, 2021
هاوكات لە تویتێكی دیكەدا نووسراوە، كاتە زیادكراوەكە دەچێتە تۆماری گینس بۆ ژمارە پێوانەییەكان.
الوقت بدل الضائع في هذه المباراة سيدخل موسوعة غينيتس كاطول وقت بدل ضائع في التاريخ #الجزاير_قطر pic.twitter.com/N8fV3vA8Fl
— said.djeg (@said_djeg) December 15, 2021
یارییەكە، یەكێك بوو لە یارییەكانی قۆناغی پێش كۆتایی جامی وڵاتانی عەرەب، بە سەركەوتنی جەزائیر بە دوو گۆڵ بەرامبەر گۆڵێك كۆتایی هات، بەمەش جەزائیر كارتی گەیشتن بە یەكەم یاریی كۆتایی لە سێ بەشداریی ڕابردووی لە پاڵەوانێتییەكە چنییەوە، پاش هەردوو ساڵی 1988 لە ئوردن و 1998 لە قەتەر، كە هەر لە گەڕی یەكەمدا ماڵئاوایی كرد.
لە یاریی كۆتاییدا جەزائیر بەرامبەر بە تونس یارییدەكات، كە پێش ئەو یارییە، بە گۆڵێكی بێبەرامبەر لە هەڵبژاردەی میسری بردەوە.
