دانیشتنی ئەمڕۆی پەرلەمانی توركیا پێكداهەڵپژانی نێوان پەرلەمانتارانی پارتی داد و گەشەپێدان و وەزیری ناوخۆ لەلایەك و ئەندامانی پارتی دیموكراتی گەلان لێكەوتەوە.
لەمیانەی دانیشتنەكەدا كە تایبەت بوو بە تاوتوێكردنی بودجەی 2022، ئەركان ئایدین، پەرلەمانتاری هەدەپە پرسیاری لە سولەیمان سۆیلو وەزیری ناوخۆ كرد دەربارەی بەكارهێنانی فڕۆكەیەكی سیزجین باران كوركماز-ی خاوەنكاری توركی، كە لە نەمسا بەتۆمەتی سپیكردنەوەی پارە دەستگیركرا، وەك ئەوەی سایتی KRTی توركی بڵاویكردووەتەوە.
لە بەرامبەردا سۆیلو هەڕەشەی لە پەرلەمانتارانی هەدەپە و بەرهەڵستكار كرد بەوەی ”باجی ئەو كارەیان دەدەن”، هەروەك ئایدین-ی بە “فریودەر” ناوبرد.
https://youtu.be/iu9uvvP8AaM
دوای ئەوەش هەریەك لە هما ئۆزگور ئۆزال و والی ئەگبابا، پەرلەمانتارانی بەرەی بەرهەڵسكار مشتومڕیان لەگەڵ سۆیلو ئەنجامدا و ئەمەش بووە هۆی پێكداهەڵپژانی هەردوو كۆمەڵە پەرلەمانتارەكە.
لە ئاكامدا دانیشتنەكە بۆ ماوەی 10 خولەك ڕاگیرا، تا ئەوكاتەی ڕەوشەكە هێوركرایەوە، وەك ئەوەی میدیاكانی توركیا بڵاویانكردەوە.
