لە سلێمانی نرخی كارەبای مۆلیدە بۆ مانگی ڕابردوو دیاریكرا، بڕیاریشدرا لەئەگەری نەبوونی كارەبای نیشتمانی، بەیانیان كارەبای مۆلیدە بدرێت.
ئەمڕۆ یه‌كشه‌ممه لیژنەی دیاریکردنی نرخی مۆلیدە ئەھلییەکانی سلێمانی نرخی كاره‌بای بۆ مانگی ڕابردوو دیاریكرد، كاركردن و ته‌رخانكردنی كاره‌با له‌لایه‌ن مۆلیدە ئه‌هلییه‌كانه‌وه بۆ هاوڵاتیان له مانگی ڕابردوودا له‌نێوان 215 بۆ 250 كاتژمێر بووه و هه‌ر سه‌عاتێك به 46 دینار دیاریكراوه، به‌مه‌ش نرخی یه‌ك ئه‌مپێر كاره‌بای مۆلیدە له ناوشاری سلێمانی له نێوان 10 هه‌زار بۆ 11 هه‌زار و 500 دینار ده‌بێت.
هاوكات، سیروان محه‌مه‌د، به‌ڕێوه‌به‌ری ڕاگه‌یاندنی كاره‌بای سلێمانی ئاشكرایكرد، خشته‌ی كارپێكردنی مۆلیدە ئه‌هلییه‌كان و دابینكردنی كاره‌با بۆ هاوڵاتان لەم مانگەدا به‌جۆرێكه كه له‌نێوان سه‌عات 07:00ی به‌يانى تا 1:00ی شەو هه‌ركاتێك كاره‌بای نیشتمانی كوژایه‌وه، پێویسته مۆلیدەكان كاره‌با دابینبكه‌ن بۆ هاوڵاتییان.
