بەڕێوەبەری بازرگانیی خۆراکی سلێمانی رایگەیاند، دابەشکردنی سەبەتەی خۆراکی تایبەت بە مانگی رەمەزان تەنها دەنگۆیە و نەبووەتە بڕیار.
کامەران فەتاح بەڕێوەبەری بازرگانیی خۆراکی سلێمانی بە تۆڕی میدیایی ئێستای راگەیاند، سەبارەت بە دابەشکردنی سەبەتەی خۆراکی مانگی یەکی 2025 نووسراومان بۆ کراوە و ماوەی سێ رۆژە دەستمان بە دابەشکردنی کردووە.
ئاماژەی بەوەشکرد، دابەشکردنی سەبەتەی خۆراکی تایبەت بە مانگی رەمەزان تەنها دەنگۆیە و نەبووەتە بڕیار، تا وەک بڕیار بەدەستمان نەگات ئێمە ناتوانین هیچ شتێکی لەبارەوە بڵێین.
سەبارەت بە دابەشکردنی سەبەتەی خۆراکی ساڵی 2024 کامەران فەتاح رایگەیاند، سەبەتەی دەیەمی خۆراک بە تەواوی دابەشکراوە جگە لە برنج، ئەویش رۆژانە کە بۆمان دێت دابەشی دەکەین.
