به‌ڕێوه‌به‌رى سه‌نته‌رى فریاكه‌وتنى خێرای سلێمانى ڕایگه‌یاند، له‌كاتى چوونیان بۆ گرتنى داواكراوێك ته‌قه له مه‌فره‌زه‌یه‌كى پۆلیسى به‌ره‌نگاربوونه‌وه‌ى توندوتیژى دژى ژنانى سلێمانى كراوه و به‌هۆیه‌وه ئه‌فسه‌رێك كوژرا و سێ پۆلیسی دیكه برینداربوون.
سامان نادر، به‌ڕێوه‌به‌رى سه‌نته‌رى فریاكه‌وتنى خێرای سلێمانى به تۆڕی میدیایی ئێستاى ڕاگه‌یاند، ئه‌مشه‌و مه‌فره‌زه‌یه‌كى پۆلیسى به‌ره‌نگاربوونه‌وه‌ى توندوتیژى دژى ژنان چوونه بۆ ده‌ستگیركردنى داواكراوێك له ناوچه‌ى تانجه‌رۆ، به‌ڵام ته‌قه له مه‌فره‌زه‌كه كراوه.
وتیشی، ئه‌فسه‌رێك به ناوى محه‌مه‌د له‌تیف كوژراوه و سێ پۆلیسی دیكه‌ش برینداربوون.
باسی له‌وه‌شكرد، دواى ڕووداوەکەش، هێزە ئەمنییەکان لێکۆڵینەوەیان لە رووداوەکە دەستپێکردووە و لایەنە پەیوەندیدارەکانیش ڕاسپێردراون بۆ ده‌ستگیركردنى تۆمه‌تباره‌كه.
