میدیاكانى توركیا بڵاویانكرده‌وه، له شوێنى وتاردانه‌كه‌ى ئه‌ردۆغان له باكووری کوردستان بۆمبێكى چێندراو دۆزراوه‌ته‌وه كه به‌نیازى ته‌قاندنه‌وه‌ى دانرابوو.
بەپێی هەواڵی میدیا نێوخۆییه‌كانى توركیا، ئێوارەی ئەمڕۆ ڕەجەب تەیب ئەردۆغان سەرۆك كۆماری توركیا لە هەوڵێكی “تیرۆركردن” ڕزگاری بووه، كاتێك لە ویلایەتی سێرت هێزە ئەمنییەكانی توركیا بۆمبێكی چێندراویان لەژێر ئۆتۆمبێلی تایبەت بە پاسەوانەكانی پوچەڵكردووەتەوە.
هه‌ر به‌پێی هه‌واڵی میدیاكانى توركیا، هەوڵدراوە لە ڕێگەی ئه‌و بۆمبه‌وه ئەردۆغان تیرۆر بكرێت یاخود كۆبوونەوەكەی لەگەڵ خەڵكی پارێزگای سێرت بە ئامانج بگرێت.
