ده‌رگاى بەشە ناوخۆییەکانی خوێندکارانی زانکۆ و پەیمانگەکان كرانه‌وه و له سبه‌ینێوه ده‌وام لە زانکۆكانی سلێمانی و پۆلیتەکنیک دەستپێدەکاتەوە.
دواى چه‌ند ڕۆژێك له ڕاگرتنى ده‌وامیان و جێبه‌جێكردنى به‌شێك له داواكارییه‌كانیان له‌لایه‌ن بافڵ جه‌لال تاڵه‌بانییه‌وه، بڕیاره سبه‌ینێ یه‌كشه‌ممه ده‌وامى هەردوو زانکۆى سلێمانی و پۆلیتەکنیک دەستپێبكاته‌وه.
زانکۆی سلێمانی له ڕاگەیەندراوێکدا ئاماژه‌ى به‌وه‌كردووه، ئه‌مڕۆ دەرگای بەشە ناوخۆییەکان بۆ خوێندکاران كراونه‌ته‌وه و ئەو خوێندکارانەشی لە قۆناغی یەکه‌من و تا ئێستا بەشە ناوخۆییان وەرنەگرتوە، لە ڕۆژانی داھاتوودا بەشە ناوخۆییان پێدەدرێت.
باسی له‌وه‌شكردووه، سبه‌ینێ یەکشەممە دەوامی فه‌رمی لە ھەموو کۆلێژ و پەیمانگە و به‌شه‌كانى هەردوو زانكۆی سلێمانى و پۆلیتەکنیک دەستپێدەکاتەوە.
