تاڵیبان ڕێگە بە سەردانیكردنی ناوچەی “پەیكەرەكانی بودا” دەدات و هەر كەسێك لەبەرامبەر پێنج دۆلاردا دەتوانێت بچێتە ناوچەكە و وێنەبگرێت.
“پەیكەرەكانی بودا” ناوچەیەكی مێژوویی ئەفغانستانە و ژمارەیەك پەیكەری بودا لەوێدا هەڵكۆڵدراون، بەڵام ساڵی 2001 كاتێك بزوتنەوەی تاڵیبان دەسەڵاتی لە ئەفغانستان گرتەدەست، سەرباری داواكاری و فشاری زۆری نێودەوڵەتی، پەیكەرەكانی بە تەقەمەنییەكی زۆر تەقاندەوە.
ساڵی 2003 ڕێكخراوی یونسكۆی سەر بە نەتەوە یەكگرتووەكان، ناوچەی پەیكەرەكانی بودای وەك یەكێك لە شوێنەوارەكانی جیهان دەستنیشانكرد.
ئێستا و دوای ئەوەی دووبارە تاڵیبان هاتووەتەسەر حوكم، لە هەوڵێكیدا بۆ نیشاندانی وێنەیەكی نەرمتر لە جاران، ڕێگەدەدات خەڵك سەردانی ناوچەی پاشماوەی پەیكەرەكان بكات كە وەك ڕووگەیەكی گەشتیاری لێیدەڕوانن.
بەپێی بەدواداچوونێكی تۆڕی هەواڵی سی ئێن ئێن، بزوتنەوەی تاڵیبان ژمارەیەك چەكداری خۆی بۆ سەرپەرشتیكردنی شوێنەكە داناوە و هەر كەسێك لەبەرامبەر پێنج دۆلاردا دەتوانێت بچێتە ئەوێ و وێنەبگرێت.
