ئۆلی گۆنار سۆلشایەر ڕاهێنەری مانچستەر یونایتد مانەوەی خۆی لە ڕیزەكانی یانە ئینگلیزییەكە ڕاگەیاند و ڕەتیكردەوە دەست لەكاربكێشێتەوە.
بەهۆی شكستی یارییەكەی مانچستەر سیتییەوە، ڕەخنەیەكی زۆر لەسەر سۆلشایەری ڕاهێنەری مانچستەر یونایتد دروستبووە و بەشێك لە هاندەران داوای دوورخستنەوەی دەكەن.
لەگەڵ ئەوەشدا سۆلشایەری ڕاهێنەر دووپاتیكردەوە كە بەڵێنی تەواوی پێدراوە لەلایەن ئیدارەوە و پشتگیریدەكەن.
ئاماژەی بەوەشدا كە ئەو بەهیچ شێوەیەك بیر لە دەستلەكاركێشانەوە ناكاتەوە و ئامانجی ئەوەیە تیپەكە بەرەوپێش ببات.
پێش ڕووبەڕووبوونەوەی یانەی واتفۆردیش وتی، “پێویستە وەك ئاژەڵی بریندار ڕووبەڕووی یانەی واتفۆرد ببینەوە و بردنەوە بەدەستبهێنین”.
