قائیمقامییەتی سلێمانی پێنج شوێنی داخست بەهۆی پابەندنەبون بەمەرج و ڕێنماییەکانی کارکردن.
لە ڕاگەیەندراوێكدا قائیمقامییەتی سلێمانی ئاماژەی بەوەكردووە، ئەمڕۆ شەممە بەهۆی پابەندنەبون بەمەرج و ڕێنماییەکانی کارکردن و نەبونی مۆڵەت، لیژنە هاوبەشەکانی قائیمقامیەت دوو کافتریای لە گەڕەکی شەهیدانی سەرچنار و شەقامی گۆران (ئۆرزدی) لە شاری سلێمانی داخست.
باسی لەوەشكردووە، لیژنەكە کارگەیەكی پلاستیکی لهناوچهی تانجهرۆ داخستووە بەهۆی ئەوەی سەرپێچی كردووە لە ڕێنماییەکانی ژینگە و نەبوونی یەکەی چارەسەری ئاوەڕۆ و پیسی.
ههروهها، دوو ئارایشتگای داخستووە بە سهرپێچیكردن له مەرجەکانی کارکردن جێبەجێ نەكردنی ڕێنماییەکانی تەندروستی.
هەر بەپێی ڕاگەیەندراوەكە، سەرجەم شوێنەکان بەفەرمانی قائیمقامی سلێمانی داخراون و خاوەنەکانیشیان ڕووبەڕووی ڕێکاری یاسایی دەکرێنەوە.
