پێشنیوەڕۆی ئەمڕۆ شەممە لە ڕووداوێکی هاتوچۆدا لە نزیک قەزای کفری پێنج پێشمەرگە برینداربوون کە تەندروستیی دووانیان ناجێگیرە.
بەڕێوەبەرایەتیی هاتوچۆی ئیدارەی گەرمیان ڕایگەیاند، لە ڕووداوێکی هاتوچۆدا لە ڕێگای کفری – سەنگاو لەنزیک گوندی کانی عوبێد پێنج کەس برینداربوون.
دکتۆر کاوە محەمەد بەڕێوەبەری نەخۆشخانەی شەهید هەژار بە تۆڕی میدیایی ئێستای وت، “سێ لە بریندارەکان پیشمەرگەن و دووانیان تەندروستییان ناجێگیرە”.
هاتوچۆی گەرمیان دەڵێت، ڕووداوەکە وەرگەڕان بووە و بریندارەکان ڕەوانەی نەخۆشخانە کراون.
