بەشێکی زۆری یانەکانی خولی نایابی ئینگلتەرا بڕیاریانداوە، مامەڵەی بازرگانی لەگەڵ یانەی نیوکاسڵ نەکەن.
ڕۆژنامەی دەیلی مەیڵی بەریتانی لەزاری چەند سەرچاوەیەکی وەرزشیی باڵاوە ئاشکرایکردووە، بەشێكی زۆری یانەکانی خولی نایابی ئینگلتەرا لەنێوانیاندا شەش یانە گەورەکە، بڕیاریانداوە مامەڵەی بازرگانی لەگەڵ یانەی نیوکاسڵ نەکەن.
یانەکان بڕیاریانداوە لە گواستنەوەکانی زستانەی داهاتوو هیچ یاریزانێک بە ئیدارەی ماگپایس نەفرۆشن، تاوەکو یانەکە بە ئاست نزمی بمێنێتەوە و لە خولی نایابەوە بۆ خولی پلە یەک داببەزێت.
بەپێی سەرچاوەکە، هۆکاری بێزاری و توڕەیی یانەکانی پریمەرلیگ بۆ ئەوە دەگەڕێتەوە، کە سندوقی وەبەرهێنانی سعودیە بە سەرپەرشتیی شازادەی ئەو وڵاتەم محەمەد بن سەلمان سەرکەوتووبوون لە کڕینی زۆرینەی پشکەکانی نیوکاسڵ، لەکاتێکدا ئەو کەسایەتییە چەندین تۆمەتی سیاسی و دژەمرۆیی ئاراستەکراوە.
