یانەی بەرشلۆنە گرێبەستی ئانسو فاتی، یاریزانی لاوی یانەكەی تا ساڵی 2027 درێژكردەوە.
پێگەی فەرمیی بەرشلۆنە وێنەكانی فاتی بڵاوكردەوە لە كاتی واژووكردنی گرێبەستەكەدا و ئاشكراشیكردووە، نرخی هەڵوەشاندنەوەی گرێبەستەكەی یەك ملیار یۆرۆیە.
بڕیارە كۆنگرەیەكی ڕۆژنامەوانی بۆ فاتی ڕێكبخرێت و چەند وێنەیەكی یادگاریشی بگیرێت.
فاتی دووەم یاریزانی لاوی بەرشلۆنەیە كە لە خولی ئیسپانیا بەشداری كردبێت، كاتێك تەمەنی 16 ساڵ و 298 ڕۆژ بووە.
ئانسو فاتی پاش ڕۆیشتنی لیۆنێل مێسی، درێسی ژمارە 10ی پێبەخشرا.
