ئەمشەو گەڕێكی تری پاڵاوتنەكانی كیشوەری ئەمریكای لاتین بۆ مۆندیالی 2022ی قەتەر بەڕێوەدەچێت و یاریی لوتكەش كاتژمێر 3:30 خولەكی بەرەبەیان لەنێوان بەڕازیل و ئۆرۆگوای دەكرێت.
بەڕازیل بە 28 خاڵ پێشەنگی ڕیزبەندیی هەڵبژاردەكانی ئەمریكای لاتینی گرتووە، ئۆرۆگوای-ش بە 16 خاڵ لەپلەی چوارەمی ڕیزبەندیدا دەبینرێت.
پێش ئەو یارییە، هەڵبژاردەی ئەرجەنتین لەناو یاریگای خۆی میوانداری هەڵبژاردەی پیرۆ دەكات.
ئەرجەنتین لە یاریی ڕابردوودا بە ئاستێكی بەرزەوە دەركەوت و دەیەوێت ئەم یارییەش بە بردنەوە كۆتایی پێبهێنێت.
یارییەكەی ئەرجەنتین و پیرۆ كاتژمێر 2:30 خولەك لە یاریگای مۆنیمۆنتال بەڕێوەدەچێت.
ئەرجەنتین بە 22 خاڵ دووەمەوە و پیرۆ بە 11 خاڵ حەوتەمە.
