سەرۆكی ئەنجومەنی كۆمسیارانی كۆمسیۆنی هەڵبژاردنەكان ڕایدەگەیەنێت، ڕێژەی بەشداریكردن لە دەنگدانی گشتیدا لە تەواوی عێراق سێ یەكی دەنگدەرانی تێپەڕاندووە.
دادوەر جەلیل عەدنان، سەرۆكی ئەنجومەنی كۆمسیارانی كۆمسیۆنی باڵای سەربەخۆی هەڵبژاردنەكانی عێراق، لە لێدوانێكی ڕۆژنامەوانیدا ڕایگەیاندووە، ڕێژەی بەشداریكردنی هاوڵاتییان لە ئاستێكی باشدا بووە و سێ یەكی تێپەڕاندووە.
ئاماژەی بەوەشكردووە، كارمەندانی كۆمسیۆن لە هەر شوێنێك گرفت بۆ ئامێرەكانی دەنگدان دروستبووبێت، بەشێوەیەكی گونجاو چارەسەریان كردووە.
