كازمی دوای دەنگدان: بەڵێنەكەمان بردەسەر و سبەی چاوەڕوانی دەستكەوتێكی ئەمنیی گەورە بن

مستەفا كازمی، سەرۆك وەزیرانی عێراق لە بەردەم ناوەندی دەنگدان لە بەغداد

سەرۆك وەزیرانی عێراق دەڵێت، سبەی دەستكەوتێكی ئەمنیی گەورە ڕادەگەیەنن، ئەمەش دوای دەنگدانی لە هەڵبژاردنی پێشخراوەی ئەنجومەنی نوێنەران.

مستەفا كازمی، سەرۆك وەزیرانی عێراق دوای دەنگدان بۆ میدیاكان دوا و وتی، “بەڵێنەكەمان بردەسەر و چاوەڕوانی دەستكەوتێكی ئەمنیی گەورە بن سبەی دووشەممە”.

وتیشی، “داوامكرد هەڵبژاردن لە حوزەیران بكرێت و هەندێك داوایانكرد لە 2022 بێت، بەڵام سەركەوتووبووین لە ئەنجامدانی لە تشرین”.

كازمی هانی عێراقییەكانیشیدا بێنە دەرەوە و بەشداری دەنگدان بكەن و “هەلی گۆڕانكاری” لەدەستنەدەن و وتی، “ئەوە هەڵبژێرن كە بە گونجاوی دەزانن بۆ ئایندەی عێراق”.

وەك ئاماژەیەكیش بۆ خۆهەڵنەبژاردن و بەشدارنەبوونی لەگەڵ هیچ هێز و هاوپەیمانییەكدا سەرۆك وەزیران ڕایگەیاند، “یەكەم هەڵبژاردنە بەبێ قەدەغەی هاتوچۆ و بەشداریی سەرۆك وەزیران ئەنجامدەدرێت”.

كاتژمێر 07:00ی بەیانی ئەمڕۆ لە عێراق و هەرێمی كوردستان، دەنگدانی گشتی بۆ هەڵبژاردنی پێشوەختەی ئەنجومەنی نوێنەرانی عێراق دەستیپێكرد، زیاتر لە 24 ملیۆن كەس مافی دەنگدانیان هەیە.

پرۆسەی هەڵبژاردنی پێشوەختە بۆ دیاریكردنی 329 كورسیی خولی پێنجەمی ئەنجومەنی نوێنەرانی عێراقە، 3 هەزار و 226 كاندید كێبڕكێی بەدەستهێنانی كورسی و بوونە ئەندامی خولی پێنجەمی نوێنەران دەكەن.

بۆ ئەم هەڵبژاردنە، بەپێی ئامارەكانی كۆمسیۆنی هەڵبژاردنەكانی عێراق نزیكەی 24 ملیۆن کەس مافی دەنگدانیان هەیە، لە تەواوی عێراق و هەرێمی كوردستان 8 هەزار و 273 ناوەندی دەنگدان كراونەتەوە.

لەم هەڵبژاردنەدا 21 هاوپەیمانی و 109 پارت و لایەنی سیاسی بەشدارن، جگە لە كاندیدە سەربەخۆكان، نزیكەی 75 هەزار چاودێری ناوخۆیی و هەزار و 700 چاودێری نێودەوڵەتیش چاودێریی پرۆسەكە دەكەن.

بابەتی پێشتر

فەرماندەی ئەو سەربازانەی سەدام حسێن-یان دەستگیركرد كۆچی دواییكرد

بابەتی دواتر

نێچیرڤان بارزانی: دوای هەڵبژاردنەکان گفتوگۆی جددی بۆ بەشدارییەکی بەهێز لە بەغداد دەکەین

بابەتی پەیوەندیدار
زیاتر ببینە

عامری دێتە هه‌ولێر

شاندێكى هاوپه‌یمانیی فه‌تح به‌سه‌رۆكایه‌تیی هادى عامری سه‌ردانی هه‌ولێر ده‌كات، بۆ ‏گفتوگۆ لەبارەی پێکهێنانی حکومەتی نوێی عێراق و پرسی…