دەنگدانی تایبەتی هەڵبژاردنی پەرلەمانی عێراق دەستیپێكرد

دەنگدانی تایبەت لە هەولێر

بەیانی ئەمڕۆ دەنگدانی تایبەت بۆ هەڵبژاردنی پێشوەختەی ئەنجومەنی نوێنەرانی عێراق دەستیپێكرد، بە دەنگدەری فیدراڵی و هەرێمی كوردستانەوە نزیكەی یەك ملیۆن و 200 هەزار كەس بەشداریی دەنگدانی تایبەت دەكەن.

لە كاتژمێری 07:00ی بەیانییەوە دەرگای وێستگەكانی دەنگدانی تایبەت كرانەوە، هێزە ئەمنی و سەربازییەكان، ئاوارەكان و زیندانییان، لە عێراق و هەرێمی كوردستان دەنگی خۆیان دەدەن لە چوارچێوەی هەڵبژاردنی پێشوەختەی نوێنەران.

لە دەنگدانی تایبەتدا یەك ملیۆن و 196 هەزار و 372 كەس بەشداریدەكەن و دوو هەزار و 86 بنكەی دەنگدانیان بۆ كراوەتەوە.

ئەو دەنگدانە تایبەتەی ئەمڕۆ، لەچوارچێوەی پرۆسەی هەڵبژاردنی پێشوەختەی عێراقە، كە بڕیارە ڕۆژی یەكشەممە دەنگدانە گشتییەكەی لە تەواوی عێراق و هەرێمی كوردستان بەڕێوەبچێت.

هەڵبژاردنی ئەمجارە، بۆ خولی پێنجەمی ئەنجومەنی نوێنەرانی عێراقە.

بابەتی پێشتر

(ڤیدیۆ) لوتکه‌ی زه‌به‌لاحه‌کان به‌بردنه‌وه‌ی فه‌ره‌نسا له‌ به‌لجیکا کۆتاییهات

بابەتی دواتر

دەنگدانی تایبەتی هەڵبژاردنی پێشوەختە بە ژمارە

بابەتی پەیوەندیدار
Total
0
Share