ڕاگەیاندنی ئۆپەراسیۆنە هاوبەشەکانی کەرکوک ئاشکرایکرد، گەنجێک دوای ئەوەی لەلایەن دوو چەکدارەوە لە حەویجە ڕفێنراوە، توانیویانە ئازادی بکەن و چەکدارەکانیش دەستگیرکراون.
بەپێی ڕاگەیەندراوی ئۆپەراسیۆنە هاوبەشەکانی کەرکوک، دوو چەکدار بە ئۆتۆمبێلێکی جۆری (لاندكرۆزەر) لە قەزای حەویجە گەنجێکیان بەناوی (مصطفی عبدالعزیز حمد) ڕفاندووە.
ئۆپەراسیۆنە هاوبەشەکان توانیویانە لەماوەی 30 خولەکدا گەنجەکە ئازادبکەن و هەردوو چەکدارەکەش دەستگیرکراون، لەکاتی دەستگیرکردنیشیاندا دەستبەسەر ئۆتۆمبێل و چەک و چەند کەلوپەلێکی دیکەیاندا گیراوە.
بەڵام تائێستا هیچ زانیارییەک سەبارەت بە چەکدارەکان و ئەوەی سەر بە چ لایەن و گروپێکن بڵاونەکراوەتەوە.
