بەوێنە.. تەقینەوەی گەورە لە گڕكانی لا پالما

چەند تەقینەوەیەكی گەورە لە گڕكانی “لا پالما” كە دەكەوێتە دوورگەكانی كەناری لە ئیسپانیا ڕوویاندا و ئاگر و كانزای تواوە بەبڕێكی زۆر لە گڕكانەوە دەردەپەڕن.

وێنەكان كە ئەمڕۆ سێشەممە بڵاوكراونەتەوە، داڕووخانی بەشێك لە دەمی گڕكانەكە دەردەخەن كە شەوی ڕابردوو ڕوویدا و بووەهۆی ڕژانی بڕێكی زۆر لە كانزای تواوە و تۆپەڵی ئاگر.

ئەنخیل ڤیكتۆر توریس سەرۆكی هەرێمایەتیی دوورگەكانی كەناری بە ئاژانسەكانی هەواڵی ڕاگەیاند، سەرباری زیادبوونی چالاكیی گڕكانەكە، تۆپەڵەكانی ئاگر بەهەمان ئاراستەی پێشووی لێڕژانی گڕكانەكە دەردەپەڕن و ڕێڕەو وەردەگرن.

بەپێی زانیارییەكان، تا ئێستا گڕكانەكە 1000 خانووی وێرانكردووە و لە 19ی مانگی ڕابردووەوە 80 ملیۆن مەتر سێگۆشە ئاگر و كانزای تواوەی لێڕژاوە.

بابەتی پێشتر

مانچستەر یونایتد سۆلشایەر دەرناكات

بابەتی دواتر

كۆچی بەرفراوانی شیلادزێییەكان دەبێتە باسی میدیا جیهانییەكان

بابەتی پەیوەندیدار