وەزارەتی دەرەوەی ئێران دەڵێت، ئارامگرتنی ستراتیژیی ئێران بەرامبەر بە “گروپە تیرۆریستییەكان” لە هەرێمی كوردستان نەما و داوا لە هەردوو حكومەتی هەرێم و عێراق دەكات ڕێوشوێن بگرنەبەر.
سەعید خەتیب زادە، وتەبێژی وەزارەتی دەرەوەی ئێران ڕایگەیاند، “ئارامگرتنێكی ستراتیژیمان گرتەبەر لە ڕووبەڕووبوونەوەی ئەو گروپە تیرۆریستییانەی كە لە هەرێمی كوردستان كۆبوونەتەوە، بەڵام بە هاوڕێیانمان لە عێراق وتووە كە ناكرێت ئەو دۆخە بەردەوامبێت”.
لە لێدوانێكی ڕۆژنامەوانیدا ئەمڕۆ دووشەممە خەتیب زادە وتی، “بەرگەی زیاتر ناگرین و دەبێت ئەو گروپانە لە هەرێم بچنەدەرەوە و بارودۆخیان ڕێكبخرێت و چەكیان لێدابماڵدرێت”.
