سەرۆک وەزیرانی عێراق پەیامێكی بڵاوكردە و ڕایگەیاند، 10ی تشرینی یەكەم وادەی گۆڕانكارییە، بۆیە بە هۆشیاری، نیشتمانپەروەری و پێداگری گەنجەكانی عێراق لەسەر دروستكردنی داهاتوو، هەڵبژاردن دەبێتە “زەماوەندێكی نیشتمانی.”
مستەفا كازمی سەرۆك وەزیرانی عێراق لە تویتێكدا كە بەزمانەكانی كوردی، عەرەبی و ئینگلیزی بڵاویكردووەتەوە نووسیویەتی، “بە هۆشیاری و نیشتمانپەروەریی و پێداگری گەنجەكانمان لەسەر دروستكردنی ئایندە، هەڵبژاردن دەبێتە زەماوەندێكی نیشتمانی”.
كازمی لەپەیامەكەیدا داوای كردووە خەڵك، ئەوانە هەڵبژێرن كە یەكێتی و سەروەری عێراق دەپارێزن.
هەروەها داوادەكات خەڵك ئەوانە هەڵبژێرن كە نوێنەرایەتیی گیانی نیشتمانپەروەری عێراق دەكەن.
سەرۆك وەزیرانی عێراق لە كۆتایی پەیامەكەیدا ڕاشیگەیاندووە، “وادەمان 10ی تشرینی یەكەمە بۆ گۆڕانكاری”.
