جارێکی دیکە بەرپرسانی ئێران هۆشدارییاندایە وڵاتانی دراوسێیان، کە ڕێگا نەکەنەوە بۆ هەژموونی ئیسرائیل.
عەلی خامنەیی، ڕابەری باڵای شۆڕشی ئیسلامیی ئێران لە وتەیەکیدا لەبارەی ئەو پرسەوە ڕایگەیاند، “دەستوەردانی بێگانەکان و دوژمنان لە نزیک ئێران نیگەرانکەرە و دەبێت ئەو پرسە بە خێرایی چارەسەربکرێت”.
بەپێی وتەی خامنەیی، ئێران ئاگاداری دەستوەردان و هەوڵی نەیارانی ئێرانە لە ناوچەکەدا و وڵاتانی دراوسێش دەبێت ئاگاداری هەنگاوەکانیانبن کە نەبنەهۆی ناسەقامگیریی ناوچەکە.
هاوکات عەلی شەمخانی، ئەمینداری گشتیی ئەنجومەنی باڵای ئاسایشی نەتەوەیی ئێران هۆشداریدایە وڵاتانی دراوسێی ئێران ڕێگریبکەن لە “هەژموونی بێگانەکان” و هەر کێشەیەک سەبارەت بە ناوچەکە هەبێت بە تێگەیشتنی وڵاتانی ناوچەکە چارەسەردەکرێت.
عەلی شەمخانی لە تویتێکدا کە بە سێ زمانی عیبری و ئینگلیزی و عەرەبی بڵاویکردووەتەوە، باس لەوە دەکات کە ئیسرائیل پەیوەندی لەگەڵ ئازەربایجان هەیە و سەرباری ئەوەش لەگەڵ بەحرەین بەمنزیکانە پەیوەندی توندوتۆڵکردووە و باڵیۆزخانەی کردووەتەوە.
بەرپرسانی کۆماری ئیسلامیی ئێران پێشتریش هۆشدارییاندابوو بە هەردوو حکومەتی هەرێم و عێراق لەبارەی هەوڵی وڵاتێکی دیکە دژی ئێران.
ئێران نیگەرانە لە پەیوەندیی ئیسرائیل لەگەڵ وڵاتانی دراوسێ بەتایبەت ئازەربایجان و بەحرەین، لەگەڵ ئەوەشدا دژی کۆنگرەکەی هەولێر وەستایەوە و بە هۆکاری ناسەقامگیریی ناوچەکەی زانی.
