وەزیری دەرەوەی فەرەنسا، بەیاننامەیەکی لەبارەی بۆردومانەکەی ئەمڕۆی ئیسرائیل بۆسەر زیندانی ئەوین لە تاران، بڵاوکردەوە.
ژان نۆیل بارۆ، وەزیری دەرەوەی فەرەنسا لە بەیاننامەکەدا نووسیوویەتی، “ئەو بۆردومانەی کە زیندانی ئەوین-ی لە تاران کردە ئامانج، ژیانی دوو هاوڵاتیی ئێمەی خستە مەترسییەوە کە لەوێ زیندان بوون، ئەمەش جێگەی قبوڵکردن نییە”.
ئاماژەی بەوەشکردووە، “داوای ئازادکردنی دەستبەجێی ئەو هاوڵاتییانە لە هاوتا ئێرانییەکەم کرد و بەپێی ئەو زانیارییانەی پێمان گەیشتووە، هیچیان کاریگەریی بۆردومانەکەیان بەرنەکەوتووە”.
دەشڵێت، “من راستەوخۆ داوام لە کونسوڵی خۆمان لە تاران کرد، بە هانایانەوە بچن”.
داواشدەکات، “هەموو بۆردومانەکان بوەستێندرێن و دەرگا بەڕووی دانوستان و دیپلۆماسییەت بکرێتەوە”.
