توشبوونی ڕاوێژکار و بەرپرسی نوسینگەی جێگری سەرۆكی ئەمریكا بە كۆرۆنا ڕاگەیەندرا، بەڵام پشکنینی کۆرۆنای مایک پێنس و هاوسەرەکەی نێگەتیڤ بووە.
لە ڕاگەیەندراوێكدا ئەمڕۆ یەكشەممە 25ی تشرینی یەكەم، نوسینگەی مایک پێنس، جێگری سەرۆكی ئەمریكا ڕایگەیاند، “مارک شۆرت، بەرپرسی نوسینگەی جێگری سەرۆکی ئەمریکا و ڕاوێژکار مارتی ئۆبست تووشی کۆرۆنا بوون”.
لە ڕاگەیەندراوەکەدا باس لەوەش کراوە، پشکنینی کۆرۆنای مایک پێنس و هاوسەرەکەی نێگەتیڤ بووە.
لەئێستاشدا کە چەند ڕۆژێک ماوە بۆ هەڵبژاردنەکانی سەرۆکایەتیی ئەمریكا، مایک پێنس بەردەوام دەبێت لە کارەکانی هەڵمەتی بانگەشەی هەڵبژاردن بەو شێوەیەی پلانی بۆ داڕێژراوە.
