دوو لیوای هاوبەشی پێشمەرگە و سوپا لە “هێڵی شین” بڵاوەیان پێدەكرێت

وتەبێژی ئۆپەراسیۆنە هاوبەشەكانی عێراق ڕایگەیاند، بەمنزیكانە هێزێكی هاوبەشی نێوان پێشمەرگە و سوپای عێراق لە دوو لیوادا پێكدەهێنرێن و لە “هێڵی شین” (ناوچەكانی نێوان پێشمەرگە و سوپا) بڵاوەیان پێدەكەن، بەڵام ناچنە خودی ناوچە جێناكۆكەكانەوە.

لیوا تەحسین خەفاجی، وتەبێژی ئۆپەراسیۆنە هاوبەشەكانی عێراق لە لێدوانێكی ڕۆژنامەوانیدا ڕایگەیاندووە، “لەگەڵ پێشمەرگەدا هەماهەنگییەكی باڵایان هەیە، هەماهەنگییەكەش پێكهێنانی دوو لیوای هاوبەشی نێوان پێشمەرگە و سوپای عێراقی لێكەوتووەتەوە، بۆ بڵاوەپێكردنیان لەو ناوچانەی جێ گرنگیی هەردوولان، كە بە “هێڵی شین” ناودەبرێت و سوپای عێراق و هێزی پێشمەرگە لەیەك جیادەكاتەوە”.

خەفاجی، ڕوونیشیكردووەتەوە، ئەو دوو لیوایە لە خودی ناوچە جێناكۆكەكانی نێوان هەرێم و ناوچە فیدراڵییەكان بڵاوەیان پێناكرێت، بەڵكو لەو ناوچانە دەبن كە بۆشایی ئەمنیی تێدا دروستبووە و داعش قۆستوویەتیەوە.

جەختی لەوەشكردووەتەوە، هەردوو لیواكە لەژێر فەرمانی وەزارەتی بەرگریدا دەبن و لەسەر ناوەكانیشیان ڕێككەوتوون و چاوەڕوانی پەسەندكردنیان دەكەن، تاوەكو دواتر پڕچەك بكرێن و ڕاهێنانیان پێبكرێت.

بابەتی پێشتر

(ڤیدیۆ) لوتکەی نێوان یونایتد و ئێڤەرتۆن بەیەکسانبوون کۆتاییهات

بابەتی دواتر

حەمەجەزا ھونەرمەند و پێشمەرگە

بابەتی پەیوەندیدار
Total
20
Share