خوان لاپۆرتا، سەرۆكی بەرشلۆنە خەون بەوەوە دەبینێت تۆماس توخێل بكاتە ڕاهێنەر، بەڵام خەونەكەی قورسە و چێڵسی بە ئاسانی دەستبەرداری ڕاهێنەرە ئەڵمانییەكە نابن.
بەپێی هەواڵی ڕاگەیاندنەكان بێت، گفتوگۆكانی لاپۆرتا-ی سەرۆك بۆ دۆزینەوەی ڕاهێنەر لەگەڵ چەند كەسێكدا دەستیپێكردووە.
ڕۆژنامەكانی سپۆرت و مۆندۆ ئاشكرایانكردووە، لاپۆرتا پەیوەندیی تەلەفۆنی لەگەڵ پێرلۆ-ی ئیتاڵی و چاڤی-ی ئیسپانی ئەنجامداوە و تائێستا هیچیان وەڵامی تەواویان پێنەداوە.
هەروەها چاوەڕێی یاریی كۆتایی نەیشن لیگ دەكات بۆ ئەوەی داهاتووی ڕۆبەرتۆ مارتینێز-ی ڕاهێنەری بەلجیكا بزانێت.
ئەمە جگە لەوەی گالاردۆ-ی ئەرجەنتینی بە ئاشكرا، پۆستی ڕاهێنەرایەتی یانەی بەرشلۆنەی ڕەتكردووەتەوە.
