سەرای كفری نۆژەندەكرێتەوە
بەبڕیاری قوباد تاڵەبانی 400 ملیۆن دینار بۆ پرۆژەكانی قەزاكە خەرجدەكرێت

سەرای كفری

لەسەر بڕیاری جێگری سەرۆکی حکومەتی هەرێم 400 ملیۆن دینار بۆ چەند پرۆژەیەکی قەزای کفری تەرخاندەكرێت.

شەماڵ نامق، قائیمقامی قەزای كفری لە لێدوانێكدا بۆ ڕۆژنامەنوسان ڕایگەیاند، دوای ئەوەی ئەمڕۆ قوباد تاڵەبانی، جێگری سەرۆكی حكومەتی هەرێمی كوردستان سەردانی قەزاكەیانی كرد و لەمیانەیدا سەرای كفری بەسەركردەوە، بڕیاریدا پارەی پێویست بۆ نۆژەنكردنەوەی سەرا و چەند پرۆژەیەكی قەزاكە تەرخانبكرێت.

ڕونیشیكردەوە، بڕی ئەو پارەیەی تەرخانكراوە بریتییە لە 400 ملیۆن دینار، كە لەو بڕە 270 ملیۆن دیناری بۆ نۆژەنكردنەوەی سەرای كفری دەبێت.

بڕیارە نۆژەنكردنەوەی سەرا لەسەر شێوەی پێشووی خۆی ئەنجامبدرێت.

شەماڵ نامق ئەوەشی خستەڕوو، سەرای كفری بەشێك لە ناسنامەی ڕەسەنایەتی و مێژوویی ئەم شارە و وەكو یەكەی ئیداری بەردەوام لە مشورەت و خەمخۆریدا بوون تا سەرا و ئەو پرۆژانەی پێویستیان بە نۆژەنكردنەوەیە پارەی پێویستیان بۆ تەرخانبكرێت.

بابەتی پێشتر

پێشبینی دەكرێت نرخی نەوت بگاتە سەروو 100 دۆلار

بابەتی دواتر

ئێستا هۆكاری دواكەوتنی 200 ملیار دینارەكەی بەغداد ئاشكرادەكات

بابەتی پەیوەندیدار
Total
7
Share