بەشی ڕاگەیاندنی حەج و عومرەی هەرێمی كوردستان ئاشکرایکرد، ئەمڕۆ پێنجشەممە، عومرەکارێکی هەرێمی کوردستان لە وڵاتی سعودیە گیانیلەدەستداوە.
ڕاگەیاندنی حەج و عومرەی هەرێم دەڵێت، “عومرەکارەکە ناوی (مستەفا سلێمان مستەفا مزوری)یە و دانیشتووی شاری دهۆکە و دوای تووشبوونی بە جەڵتەی دڵ و مانەوەی بۆ ماوەی پێنج ڕۆژ لە نەخۆشخانەی مەلیک عەبدوڵڵا لە شاری مەککە، کۆچی دوایی کردووە”.
مەلا سەرمەد جەمیل بەڕێوەبەری حەج و عومرەی دهۆک هەواڵەکەی پشتڕاستکردەوە و ڕایگەیاند، بڕیارە هەر ئەمڕۆ لە گۆڕستانی شەهیدانی حەرەم لە شاری مەککە بەخاکبسپێردرێت.
دوای کردنەوەی گەشتی عومرە بەڕووی هاوڵاتییانی کوردستاندا، ئەمە یەکەم عومرەکاری هەرێمی کوردستانە کە لە سعودیە گیانلەدەستبدات.
