بەپێی هەواڵێکی ئاژانسی ڕۆیتەرز دوو ڕۆژ پێش ئیستا فڕۆکەیەکی بێفڕۆکەوانی ئێرانی لە ڕۆژئاوای کوردستان خراوەتەخوارەوە.
لەوبارةيةوة وەین مارۆتۆ، وتەبێژی هاوپەیمانيی دژی داعش ڕایگەیاندووە، “فڕۆکە جەنگییەکانی هاوپەیمانان سەرکەوتووبوون لە خستنەخوارەوەی فڕۆکەیەکی بێفڕۆکەوانی ئێرانی”.
بە وتەی وتەبێژەکەی هاوپەیمانان فڕۆکە بێفڕۆکەوانەکە پێشکەوتوو بووە و سیستمی نوێی جیهانيی تێدا بەکارهاتووە.
هاوکات پێگەی فۆکس نیوز، بڵاویکردووەتەوە، فڕۆکەیەکی بێفڕۆکەوانی ئێرانی لە ڕۆژئاوای کوردستان بەسەر بنکەیەکی سەربازیی ئەمریکادا فڕیوە کە 900 سەربازی تێدابووە، بەڵام دواتر خراوەتەخوارەوە.
جگە لە ئێران تورکیاش ڕۆژانە فڕۆکەی بێفڕۆکەوان لە ڕۆژئاوای کوردستان بەکاردەهێنێت و سێ ڕۆژ پێش ئێستا دووجار بۆردومانی هێزەکانی سوریای دیموکراتی کرد.
