هەردوو سەرۆك ئەركانی سوپاكانی ڕوسیا و ئەمریكا لە كۆبوونەوەیەكدا كەمكردنەوەی مەترسیی ڕووداوی سەربازیی نێوان هەردوو وڵاتیان تاوتوێكرد.
كۆبوونەوەی هەردوو بەرپرسە باڵاكە لەلایەن وڵاتی فنلەنداوە میوانداریكرا.
وەزارەتی بەرگریی ڕوسیا ڕایگەیاند، كۆبوونەوەی هەریەك لە ڤالێری گیراسیمۆڤ، سەرۆك ئەركانی سوپای ڕوسیا و مارك مایڵی، سەرۆك ئەركانی هاوبەشی ئەمریكا لە بارەگای حكومەتی فنلەندا لە شاری فانتا، بەدووریی 40 كیلۆمەتر لە باكووری هلسنكی-ی پایتەخت بەڕێوەچووە.
ئاشكرایكردووە، گیراسیمۆڤ و مایڵی تاوتوێی “پرسە گرنگە پەیوەندیدارەكانیان كرد، لەوانەش كەمكردنەوەی مەترسی ڕووداو لەكاتی ئەنجامدانی چالاكیی سەربازیی”.
وەزارەتی بەرگریی ڕوسیا دیدارەكەی بە “بونیادنەرانە” وەسفكردووە.
