كازمی بۆ هاوڵاتییان: بە بەڵێنی درۆیینەی دامەزراندن دەنگەكانتان مەفرۆشن

مستەفا كازمی، سەرۆك وەزیرانی عێراق

مستەفا كازمی سەرۆك وەزیرانی عێراق، ئەمڕۆ سەرپەرشتیی كۆبوونەوەی هەفتانەی ئەنجومەنی وەزیرانی كرد.

نووسینگەی ڕاگەیاندنی سەرۆك وەزیران كەمێك لەمەوبەر ڕاگەیەندراوێكی بڵاوكردەوە و تەوەرەكانی كۆبوونەوەكەی ئاشكراكرد.

بەپێی ڕاگەیەندراوەكە، كازمی لە كۆبوونەوەكەدا باسی هەڵبژاردنی كردووە و ڕایگەیاندووە، هەموو ئامادەكارییەكیان كردووە و پێداویستییە لۆجستی و ئەمن و داراییەكانی بەڕێوەچوونی هەڵبژاردنیان دابینكردووە.

سەرۆك وەزیران جەختیكردووەتەوە لەوەی بە ئەنجامێكەوە لە هەڵبژاردن دێنەدەرەوە، كە بنەماكەی پاكی و بێخەوشی بێت و بەهیچ شێوەیەك ڕێگەنادەن ساختەكاری بكرێت.

كازمی هۆشداری داوە بە دەنگدەران و وتویەتی، “ئاگاداری هەر هەوڵێكبن كە بیەوێت لەڕێگەی بەڵێنی درۆیینەی دامەزراندن و دابەشكردنی زەوییەوە، دەنگەكانتان بكڕێت”.

ڕاگەیەندراوەكە دەڵێت، “سەرۆك وەزیران جەختیكردووەتەوە لەوەی حكومەت چاودێریی هەوڵەكانی فریودانی هاوڵاتییان دەكات و بەدواداچوونیان بۆدەكات”.

بابەتی پێشتر

ماكرۆن و بایدن لەبارەی كێشەی ژێرئاوگەڕەكان پەیوەندیی تەلەفۆنی ئەنجامدەدەن

بابەتی دواتر

ترەمپ كچێكی برازای و ڕۆژنامەیەك دەداتە دادگا

بابەتی پەیوەندیدار
Total
10
Share