داواکاری گشتیی شاری مەشهەد ئاشکرایکردووە، شەش کەس دەستگیرکراون، کە کڕین و فرۆشتنیان بە منداڵانەوە کردووە و تا ئێستا 25 منداڵیان فرۆشتووە.
بەپێی زانیارییەکان ئەو باندە منداڵەکانیان ڕفاندووە و پاشان بە چەند مامەڵەیەکی جیاواز فرۆشتونیان و بەشێک لە منداڵەکانیش تەمەنیان لە نێوان چوار بۆ شەش ساڵاندایە.
داواکاری گشتیی شاری مەشهەد ئاشکرایکردووە، “ژنێک سکاڵای تۆمارکردووە کە منداڵەکەیان لەناو شوێنێکی گشتیدا ڕفاندووە و کاتێک ڕۆشتووەتە دەرەوە لە ماڵ ژنێک منداڵە شەش ساڵانەکەی ڕفاندووە”.
ڕفاندنی ئەو منداڵە شەش ساڵانە بووەتە هۆی ئاشکرابوونی شوێنی تۆمەتباران و پۆلیس توانیویەتی شەش کەس دەستگیربکات کە منداڵانیان ڕفاندووە و پاشان لە شوێنە جیاوازەکان فرۆشتوونیان.
ئەو باندە لە دانپێدانانەکانیاندا وتوویانە منداڵەکانیان ڕفاندووە و پاشان داویانە بەدەست ژنێکەوە بەناوی “نەسرن” دواتر نەسرین منداڵەکانی لە چەند مامەڵەیەکی نهێنیدا فرۆشتووە”.
