بەرەبەیانی ئەمڕۆ دووشەممە، شەڕێكی گەورە لەنێوان هەردوو هۆزی شمەر و عگێڵدا لە ناوچەی كەمالیەی خۆرهەڵاتی بەغداد ڕوویدا.
بەگوێرەی زانیارییەكان، شەوی ڕابردوو شەڕ لەنێوان هەردوو هۆزەكەدا ڕوویداوە و دوو كەس لە هۆزی شمەر كوژراون، دواتر و لە كاتژمێرەكانی سەرەتای بەرەبەیاندا دەیان كەس لە هۆزی شمەر بە چەكەوە هێرشیانكردووەتەسەر گەڕەكێكی هۆزی عگێڵ و وەك لە ڤیدیۆكەدا دەردەكەوێت، تەقەیەكی زۆر لە ماڵەكان دەكەن.
تا ئێستا حكومەت و هێزە ئەمنییەكان هیچیان لەبارەی ڕووداوەكەوە نەوتووە و دەستوەردانیان نەكردووە.
