بڕیارە ئەمڕۆ ئەنجومەنی نوێنەران دانیشتنێكی ئاسایی خۆی ئەنجامبدات و تیایدا خوێندنەوەی دووەم بۆ پرۆژەیاسای بودجە بكرێت.
فەرمانگەی راگەیاندنی ئەنجومەنی نوێنەرانی عێراق رایگەیاند، بەرنامەی كاری دانیشتنی ئەمڕۆ راپۆرت و گفتوگۆكردن (خوێندنەوەی دووەم) بۆ پرۆژەیاسای بودجەی گشتیی عێراق بۆ ساڵانی دارایی (2023، 2024 و 2025) لەخۆدەگرێت.
دانیشتنەكە كاتژمێر 8:30ی ئێوارە بەڕێوەدەچێت، وەك ئەوەی فەرمانگەكە ئاشكرایكردووە.
لە 5ی ئەم مانگە ئەنجومەنی نوێنەران خوێندنەوەی یەكەمی بۆ پرۆژەیاساكە كرد.
