بریكاری وەزارەتی ناوخۆ لە دیدارێكیدا لەگەڵ دامودەزگا و نوێنەرانى لایەنە پەیوەندیدارەكان لە دەروازەى نێودەوڵەتىی باشماخ، ڕایگەیاند، “هەركەس كێشە و ئاستەنگ دروست بكات ڕوبەڕووى یاسای دەكەینەوە”.
ئەوەش خراوەتەڕوو، لە كۆبوونەوەكەدا، بەوردى كێشەكانى شۆفێرانى ئۆتۆمبێلى (تاك و بارهەڵگرى گەورە) گفتوگۆى لەسەر كرا و دواتر ڕێوشوێنى پێویست بۆ چارەسەركردنیان دیاریكرا، لاى خۆشیەوە، بریكارى وەزارەتى ناوخۆ ئاماژەی بەوەكردووە، “لە هەموو هەنگاو و بڕیارەكانماندا بەرژەوەندیى گشتى و ژیان و گوزەرانى ئێوەى شۆفێران و هاوڵاتییان لەبەرچاو دەگرین”.
چەتۆ ساڵح ئەوەشی خستوەتەڕوو، “ڕێگا بەهیچ كەس نادەین لە دەرەوەى یاسا و ڕێوشوێنى كارگێڕى، دەستوەردان لە كاروبارى دەروازە سنورییەكان بكات، دەروازەى باشماخ-یش بەپێی یاسا و بەڕێككەوتن و هەماهەنگی لەگەڵ كۆماری ئیسلامی ئێران كارەكانى ڕێكخراوە و بەرێوەدەبرێت، بۆیە هەركەس كێشە و ئاستەنگ دروست بكات ڕوبەڕووى یاسای دەكەینەوە”.
