دەزگای لوتكە بۆ كاروباری پەنابەران، ئاماری هەشت مانگی ئەمساڵی كۆچبەرانی و قوربانییانی بڵاوكردەوە، زیاتر لە 37 هەزار كەس كۆچیان كردووە.
بەپێی ئامارە بڵاوكراوەكەی دەزگای لوتكە، لە هەشت مانگی ئەمساڵدا 37 هەزار و 250 كەس لە هەرێمی كوردستان كۆچیانكردووە، 10 كۆچبەر گیانیان لەدەستداوە و 12شیان بێسەروشوێن بوون.
لە ماوەی چەند ساڵی ڕابردوودا كۆچ لە هەرێمی كوردستانەوە بۆ دەرەوە، بەتایبەت لەلایەن توێژی گەنجانەوە زیادیكردووە، لە تەواوی ناوچەكانی هەرێمەوە كۆچ دەكرێت، بەڵام لە سنووری ئیداری ڕاپەڕین كۆچكردنی گەنجان بووەتە دیاردەیەكی بەرچاو.
كۆچبەران جگە لە قورسییەكانی ڕێگای گەیشتن بە ئەوروپا، زۆرجار بەرەوڕووی ئەگەری گیانلەدەستدان و خنكان دەبنەوە.
